ულტრსაუნდ აკადემიაში წარმატებით ჩატარდა ორდღიანი პრაქტიკულ-თეორიული ტრენინგი თემაზე: „ქვედა კიდურების ქრონიკული ვენური დაავადებების ულტრაბგერითი დიაგნოსტიკა“.
ტრენინგს უძღვებოდა თათული აბზიანიძე – ექიმი ანგიოლოგი და სისხლძარღვთა ულტრასონოგრაფიის სპეციალისტი, ამჟამად ის მუშაობს ისრაელ-საქართველოს სამედიცინო კვლევითი კლინიკა "ჰელსიკორი"-ში.
ტრენინგის შინაარსი
ორი დღის განმავლობაში მონაწილეებმა მიიღეს სისტემატიზებული ცოდნა და პრაქტიკული გამოცდილება შემდეგ საკითხებზე:
- ქვედა კიდურების ვენური ანატომიის დეტალური განხილვა
- ქრონიკული ვენური დაავადებების პათოფიზიოლოგია
- დუპლექს და დოპლერ რეჟიმებში კვლევის პროტოკოლი
- ვენური რეფლუქსის შეფასება და ჰემოდინამიკური ანალიზი
- კლინიკური შემთხვევების განხილვა და პრაქტიკული სკანირება
ტრენინგი ორიენტირებული იყო მტკიცებულებებზე დაფუძნებულ დიაგნოსტიკურ ალგორითმებზე და თანამედროვე ულტრაბგერითი ტექნოლოგიების ეფექტიან გამოყენებაზე ყოველდღიურ კლინიკურ პრაქტიკაში.
სერტიფიცირება და ქულები
ტრენინგის დასრულების შემდეგ მონაწილეებს გადაეცათ:
- ჯანდაცვის სამინისტროს მიერ აკრედიტებული უწყვეტი სამედიცინო განათლების სერტიფიკატი
- 12 უპგ ქულა
- ოფიციალური სერტიფიკატი
ულტრსაუნდ აკადემია აგრძელებს მაღალი სტანდარტის პროფესიული განვითარების პროგრამების განხორციელებას და ექიმებისთვის პროფესიული განვითარების თანამედროვე პლატფორმის შექმნას.
