„ულტრასაუნდ აკადემია“ განაგრძობს აქტიურ მუშაობას რეგიონებში სამედიცინო განათლების ხელშეწყობისა და პროფესიული განვითარების მხარდაჭერის მიმართულებით.
ამჯერად აკადემიის საქმიანობის არეალი მოიცვა ქუთაისმა, სადაც მნიშვნელოვანი თანამშრომლობა ჩამოყალიბდა ადგილობრივ სამედიცინო სექტორთან. ქუთაისში, „ნურალიძე უნიქალ მედის“ კლინიკაში გაფორმდა თანამშრომლობის მემორანდუმი, რომელიც მიზნად ისახავს ექიმებისთვის უწყვეტი განათლების ხელშეწყობასა და თანამედროვე სამედიცინო ცოდნის გავრცელებას. მემორანდუმის ფარგლებში უკვე გაიმართა პროფესიული ტრენინგი, რომელშიც სხვადასხვა სპეციალობის ექიმებმა მიიღეს მონაწილეობა.
შეხვედრის ფარგლებში განხილული იყო პრაქტიკულად მნიშვნელოვანი და აქტუალური თემები, მათ შორის:
- ცოდნისა და პრაქტიკული გამოცდილების გაზიარები
- ექიმსა და პაციენტს შორის ეფექტური კომუნიკაციის მნიშვნელობა
- გადაუდებელი ულტრაბგერითი დიაგნოსტიკის კლინიკური შემთხვევების ანალიზი
ტრენინგი წარიმართა ინტერაქტიულ ფორმატში, რაც მონაწილეებს აძლევდა შესაძლებლობას აქტიურად ჩართულიყვნენ პროცესში, დაესვათ კითხვები და გაეზიარებინათ საკუთარი პროფესიული გამოცდილება. ასეთი მიდგომა მნიშვნელოვნად ზრდის სწავლების ეფექტიანობას და ხელს უწყობს პრაქტიკული უნარების გაღრმავებას.
ტრენინგს უძღვებოდნენ მაღალი კვალიფიკაციის მქონე სპეციალისტები:
- ნინო კეკენაძე MD, PhD, პროგრამის ავტორი და ხელმძღვანელი, ექიმი-თერაპევტი, ასოცირებული პროფესორი
- ლელა ბაინდურაშვილი MD, PhD, პროფესორი, ექიმი-რადიოლოგი, მოწვეული ტრენერი
- ფიქრია რეხვიაშვილი MD, PhD, ექიმი-რადიოლოგი, „ულტრასაუნდ აკადემიის“ დამფუძნებელი
„ულტრასაუნდ აკადემიის“ ერთ-ერთი მთავარი მიზანია რეგიონებში მცხოვრები ექიმებისთვის ხარისხიან განათლებაზე ხელმისაწვდომობის გაზრდა და პროფესიული განვითარების თანაბარი შესაძლებლობების შექმნა.
აკადემია მომავალშიც აქტიურად გააგრძელებს მსგავსი ინიციატივების განხორციელებას და წვლილს შეიტანს საქართველოს ჯანდაცვის სისტემის გაძლიერებაში: განათლების, გამოცდილებისა და ინოვაციების მეშვეობით.
ფოტოები: https://drive.google.com/drive/folders/1JsHeAbQeAJDZUC_EBjVeyEpTO4mjxfie?usp=drive_link
